ORUE HEZITZAILE ESKOLA

 

 

ORUE ESKOLA

• Zein ziklo eskaintzen dira 2022-2023 ikasturtean?

GIZARTERATZEA Goi Mailako Zikloa eskaintzen dugu. Modalitate presentzial osoan. 

• Zein da eskola-ordutegia eta iraupena?

Ikasketak GOIZEKO ordutegian egiten dira, 08:00-14:00. Ikasketa hauek 2 ikasturteko iraupena dute, praktikak barne. (2000 ordu guztira).

• Zein hizkuntzatan ikasten da zikloa?

D modalitateko zikloa eskaintzen dugu, beraz, EUSKARAZ

• Ba al dago bekarik?

Bai, Hezkuntza Sailetik bideratutakoak. Bekei buruzko informazioa Hezkuntza Sailak dekretua argitaratzen duenean jakinarazten da.

• Zeintzuk dira Lanbide Heziketara sartzeko irizpideak?

Klikatu: Goi Mailako zikloetan sartzeko baldintzak

 

AURREMATRIKULA

• Informazio guztia link honetan eskuratu dezakezu: LHko Heziketa-Zikloetako Onartzeko prozesua

• Noiz egiten da aurre-matrikula (1.go mailan sartzeko)?

2022ko maiatzaren 9tik 27ra bitartean (biak barne). 

• Nola egin behar da aurre-matrikula?

Bi aukera dituzu:

• Online egin dezakezu zure kabuz, IKASGUNEAren bidez (https://ikasgunea.euskadi.eus/eu/inicio) …
• … edo Orue Eskolako idazkaritzan. (09:30-14:00). Kontuan hartu zure lehenengo aukera egin nahi duzun zentroan egin behar duzula aurre-matrikula. Hau da, Orue Eskolara bazatoz aurre-matrikula egitera, esan nahi du zure ikasketa aukeren artean lehenengoa izango dela Gizarteratzea ikasketak gure zentroan egitea.

           Ezinbestekoa da IKASGUNEAn altan emanda egotea, aurrematrikula egin ahal izateko.

•  Aurre-matrikula egitea ezinbestekoa da?

Ez da derrigorrezkoa, baina bai guztiz gomendagarria. Kontuan izan beti izango dutela lehentasuna plaza bat eskuratzeko aurre-matrikula egin duten ikasleek. Aurre-matrikularik egin ezean, plaza libreak geratu arte itxaron beharko litzateke, ez-ohiko epealdira.

• Zein dokumentu eraman behar ditut aurre-matrikula modu presentzialean egin nahi badut?

NANaren fotokopia eta zure espediente akademikoaren fotokopia (batxillergokoa, edo beste ziklo batekoa,…). Espediente akademikoa IKASGUNEAren bitartez lortu dezakezu, bestela ikasketak egin dituzun zentroan eskatu beharko duzu. Oraindik ez badaukazu espediente akademikoa ikasketak ez dituzulako bukatu, egon lasai. Ekainaren 30a arte aukera egongo da falta den dokumentazioa aurkezteko. Gogoan izan lehendabizi, IKASGUNEAn erregistratuta egon behar zarela. 

Adin txikikoa baldin bazara, zure tutoreak lagunduta etorri beharko duzu. Biek Nortasun Agiria ekarri beharko duzue eta Familia Liburua ere. 

• Zenbat aukera hautatu ditzaket aurre-matrikula egiterakoan?

Nahi beste. Pentsatuta ekarri zure zerrenda, lehentasunen arabera ordenatuta. Aurre-matrikula egiterakoan, Hezkuntza Sailetik gomendatzen dute gutxienez 10 aukera hautatzea.

• Zeren arabera egiten da eskaeren onarpena?

Klikatu: Onarpenerako Lehentasunak_Goi Mailako LH

Berrikuntza: Batxillergotik sarbidea egiten dutenentzako plazak %60a dira. %60 honetan sartzen dira atzerrian Batxillergoa ikasi duten pertsonak ere (%5). 

•  Eta aurre-matrikula egin ondoren, zer?

Aurre izen-ematea egin ostean, onartuen, ez-onartuen eta baztertuen zerrendak argitaratu arte itxaron beharko duzu (behin-betiko zerrendak uztailaren 14ean publikatuko dira IKASGUNEAn eta Hezkuntza saileko web atarian). Adi egon beharko duzu uztailaren 14tik aurrera argitaratuko diren zerrendetara. Behatu beharko duzu ea zure 1.go aukeran onartua izan zaren, edo ez. (Matrikulazio-fase bakoitzaren aurretik zerrenda berriak argitaratuko dira).

 

 MATRIKULA

•  Noiz egiten da 1.mailako matrikula?

       Uztailaren 14ean argitaratzen den zerrendan, zure 1.go aukeran onartua izan bazara, matrikula ohiko epeko I.fasean egin beharko duzu.  Beste aukera batean (1.goa ez dena) onartua izan bazara, itxaron egin beharko duzu II.fasera edo III- fasera (behatu aurretik argitaratuko diren zerrendak).

        Ohiko epea: 

         I.fasea: Uztailak 15-19

         II.fasea: Uztailak 21

         III.fasea: Uztailak 26 eta 27

         Ez-ohiko epea: Uztailaren 28 eta 29 eta irailaren 1etik aurrera

 

• Eta 2.mailan egin nahi badut matrikula?

Ekainaren 13tik Uztailaren 1era bitartean.

Epe honetan matrikulatu ahal izango dira Orue Eskolako gaur egungo ikasleak eta baita ere beste ikastetxe batzuetatik datozen pertsonak (beti ere plazak libre badaude). Plaza hauen esleipena Hezkuntza Sailak zehaztutako irizpideen arabera egingo da.

 

IDAZKARITZA · KONTAKTUA

• Nola jar naiteke zuekin harremanetan?

946300058 telefonora deituz edo info@orueeskola.org helbide elektronikoaren bidez.

• Zein da idazkaritzako ordutegi eta egutegia?

Astelehenetik ostiralera, 09:30-14:00.