Araututako prestakuntza

Lanbide eremu baten ezaguera tekniko-praktikoek osatutako ikasketa arautuak dira HEZIKETA ZIKLOAK, eta hasiera batean, eskola-adineko ikasleei zuzenduta dago.

Gaur egun 140en bat L.H.ko heziketa titulu daude, eta Erdi Maila eta Goi Mailaren artean banatzen dira. Titulua lortzeko, ikasleak Heziketa Ziklo batean (Erdi edo Goi Mailakoan) izena eman eta ikasiko du. Amaieran, ikasketak gainditzearekin, ikaslea Teknikari edo Goi Mailako Teknikari tituluaren jabe egingo da, profesional gaitua dela aitortuz. Heziketa Ziklo bakoitza 1.300 eta 2.000 eskola-ordu bitartekoa da, bi ikasturtetan banatuta; horietatik 400 eta 600 bitarteko ordu kopurua eskaintzen zaie lantokietan egindako derrigorrezko praktikei.

Heziketa Ziklo batean sartzeko bi bide daude:

  • Zuzeneko sarbidea: DBH edo balio bereko ikasketak gaindituak dituenak eska dezake Erdi Mailako Heziketa Ziklo batean sartzea, eta Batxilergoa edo baliokideren bat gainditu duenak Goi Mailako Heziketa Ziklo baterako eskaera egin dezake.
  • Proba bidezko sarrera: Aurreko paragrafoan aipatutako ikasketak gainditu ez dituztenentzat proba bat antolatzen da, eta berau gainditzen dutenek eska dezaketa sarrera dagokion Heziketa Zikloan. Proba horiek, eta probara aurkezteko bete behar diren baldintzak, desberdinak dira Erdi Mailako eta Goi Mailako Heziketa Zikloetan.